{ گێڕانه‌وه }

                                                      ده‌ستی به‌ کار کرد!

               

               نووسه‌ران، چیرۆک و "تۆفانی لم"

 

ئێستا له‌م رۆژه‌گاره‌ و رۆژانه‌دا چیرۆک ده‌ڵێ چی و ئێمه‌ بۆ هێنده‌ بیر له‌ چیرۆک ده‌که‌ینه‌وه‌؟ نووسه‌ر کێ‏یه‌ و قسه‌ی چی‏یه‌؟ بۆ کێ ده‌نووسێ و په‌یڤه‌کانی چین؟ یان بۆ ده‌نووسێ؟ کی پێی‏کوتوه‌ بنووسێ؟ ده‌یه‌وێ به‌ نووسین چبکا؟ چی بگۆڕێ؟ ئێستا ئه‌وه‌ ئه‌و هه‌موو گۆڕانه‌ به‌ په‌له‌یه‌ له‌ گۆڕێ‏دایه‌، ئێستا له‌م "تۆفانی لم"ه‌دا، کامه‌یه‌ گه‌می و که‌شتی نووسه‌ران؟ به‌ پێویستی‌ ده‌زانم بۆ ئه‌وه‌ی بزانین مه‌نزوورمان کامه‌ رۆژان و رۆژگاره‌، باشتره‌ بڕێک باسی لێوه‌ بکه‌ین.

  

ادامه نوشته

 

                               نا، یه‌ک بۆ درێژه‌دان!

                                کاوه‌ محه‌مه‌دزاده‌

 دیاره‌ هه‌ڵبژاردنی هه‌ر کام له‌و رێگه‌یانه ی خوارێ،‌ خه‌ساری تایبه‌تیی خۆیان هه‌یه‌. من زۆر له‌گه‌ڵ ئه‌وه‌دام سنووری هه‌وڵه‌ ئینتڕنێت‏یه‌کانت بۆ به‌رین کردنه‌وه‌ی بازنه‌ی نووسینی کوردی گه‌وره‌تر بکه‌یته‌وه‌. به‌ڵام پرسیارێکی کوشه‌نده‌ دێته‌ ئاراوه‌؛ ئایا به‌و هه‌ڵبژاردنه‌ خه‌سار ناده‌ی له‌ نووسینه‌کانی خۆت؟ ئێمه‌ وه‌کوو ده‌سته‌یه‌ک گه‌نجی ئاشقی نووسین پێویست‏مان به‌ ده‌سته‌یه‌ک پێوه‌ری نووسینه‌، که‌ بێ‏گومان ده‌بێ له‌ نێو چیرۆکی که‌سانی پێش خۆمان‏دا(که‌ جه‌نابت یه‌کێک له‌وانه‌ی) بیاندۆزینه‌وه. دیاره‌ به‌و نه‌نووسینه‌ی ئێوه‌ هه‌ر ئه‌و داهاتووه‌ وا ئێوه‌ هه‌وڵی بۆ ده‌ده‌ن دروستی بکه‌ن، ده‌ڕووخێ. وڵاتی کوردی قه‌ت پێویستی به‌وه‌ نییه‌ هه‌ر شارێک ده‌یان نووسه‌ری بێ. ئێمه‌ ئێستا پێویست‏مان به‌وه‌یه‌ بنه‌ماکانی چیرۆکی کوردی له‌گه‌ڵ ئه‌و نۆرمه‌ جیهانی‏یانه‌دا لێک بده‌ین و ئه‌ده‌ب‏ێکی نوێ بخولقێنین؛ که‌ له‌هه‌مان کات‏دا که‌ کوردییه‌، جیهانی‏ش بێت. ئه‌وه‌ش بڵێم چیرۆکی کوردی ئه‌وه‌ نییه‌ به‌ زۆر که‌واوپانتۆڵ‏ێکی ده‌ڵپ بکه‌یته‌ پێی که‌سایه‌تی‏یه‌ چیرۆکی‏یه‌کان. به‌ داخه‌وه‌ ئه‌و به‌ره‌ی وا له‌ بۆکان‏دا(که‌ به‌ بوێری ده‌ڵێم خه‌ریکی دارژاندنه‌وه‌ی چیرۆکی کوردی ره‌سه‌ن بوون، که‌ پێم وایه‌ زۆربه‌ی هاوڕێیانی "خۆر" ده‌گرێته‌وه‌) هه‌وڵی نووسینی ده‌دا،

ادامه نوشته